Алматы шаарында нааразылык акциясынын, талап-тоноочулук жана башка кылмыштардын 508 катышуучусу кармалды. Бул тууралуу шаардын комендатурасы билдирди.
Маалыматка ылайык, 22 даана ок атуучу курал жана 1412 ок-дары алынган. Тосмолордон (блок-постто) 56 адам жана 9 унаа кармалган.
Төмөнкү участоктор бандиттик топтордон тазаланды: Саин – Райымыбек – Карьерная – Жандосов көчөлөрүнүн аянты, Абай – Достык – Аль-Фараби – Желтоксан көчөлөрүнүн аянты.
Шаарда Ауэзов, Алатау жана Медеу райондорун тазалоо операциясы уланып жатат.