Алматынын административдик соту саясий туткундарды бошотуу талабы менен 24-апрелде өткөн митинг учурунда кармалган 11 кишини жоопкерчиликке тартты.
Сот өкүмүнө ылайык, жарандык активисттер Айгерим Тлеужанова, Алина Берменкул, Бауыржан Атинбаев, Бекен Бейсалиев, Конай Абдиев жана Досжан Хуаныш 20 суткага, Равкат Мухтаров менен Майра Габдулина 15 суткага камалды.
Январь окуяларына байланыштуу камакка алынган Дархан Уалиевдин жубайы Булбул Бердикожановага 91 890 теңге (200 доллар) өлчөмүндө айып пул салынды. Ушундай эле жаза Эсанбой Хожиев менен Баян Ширинбековага чегерилди.
Сот Бердикожанова, Ширинбекова, Хожиев, Мухтаров жана Габдуллинаны «мыйзамсыз митингге катышкан» деп тапты. Калгандары «Тынч жыйындарды уюштуруу жана өткөрүү тартиптерин кайталап бузуу» беренеси боюнча күнөөлүү деп табылды.
Жарандык активист Сания Тунгатарова сот жообуна тартылган активисттер өкүм менен макул эмес экенин жана жогорку баскычтагы сотко кайрылууга ниеттенип жатышканын билдирди.
24-апрелде активисттерден турган топ Илимдер академиясынын алдына чогулуп, январь окуялары учурунда жана андан кийин кармалган саясий туткундарды бошотууну талап кылышкан. Активист Айгерим Тлеужан митинг жөнүндө алдын ала акимчиликке кабар бергенин, бирок кат түрүндө жооп ала албаганын айткан. Ал саясий себептен улам камалгандардын баары бошотулганга чейин ар апта сайын нааразылык акциясын өткөрүп турушарын билдирген.
Жергиликтүү басылмалар акция маалында полиция 12 кишини кармап кеткенин кабарлашкан.
Алматы менен Каракол шаарларынын ортосунда Санташ ашуусу аркылуу жаңы аба каттамы ачылат. Бул тууралуу Жарандык …
Сентябрдан тартып «Кеген» көзөмөл өткөрүү пункту аркылуу эл аралык маанидеги Каракол-Алматы-Каракол автобустук каттамдары ачылат. Бул …
Бүгүндөн тарта «Эйр Астана» компаниясы Алматы-Ош-Алматы багыты боюнча үзгүлтүксүз каттамдарды ишке киргизет. Аэропорттон билдиришкендей, каттамдар …
Учурда Түркиядагы нааразылык акциялары уланып, ага катышкан 2 миңге жакын адам кармалды. Маалыматка ылайык, алардын …
Бишкектин Биринчи май районунун аймагында митинг-пикет өткөрүүгө салынган тыюу кайрадан узартылды. Биринчи май райондук соту …
Стамбулдун Мэри Экрем Имамоглу тарапташтары менен 19-мартта эртең менен кармалган. Алар полициянын камагында төрт күн …
