«Азаттык Медиа» мекемесинин azattyk.org жана rus.azattyk.org сайттарына Маданият жана маалымат министрлигинин чечими менен былтыр октябрда коюлган бөгөт алынды.
12-июлда Бишкек шаардык соту Маданият, маалымат, спорт жана жаштар саясаты министрлиги менен «Азаттык Медиа» мекемесинин ортосундагы тынчтык келишимин бекитип, Ленин райондук сотунун 27-апрелдеги «Азаттыктын» ишмердигин токтотуу боюнча чечимин жокко чыгарып, соттук териштирүүнү токтоткон. Буга байланыштуу Маданият министрлиги Санарип өнүктүрүү министрлигине «Азаттыктын» сайтынын ишин жандандыруу боюнча кат жиберген.
«Азаттык Медиа» мекемесинин веб-сайтын бөгөттөө тууралуу чечимди Маданият, маалымат, спорт жана жаштар саясаты министрлиги былтыр 26-октябрда чыгарган. Буга «Эркин Европа/Азаттык» радиосунун дагы бир кызматы – «Настоящее время» телеканалынын сайтында кыргыз-тажик чек арасындагы 14-17-сентябрдагы окуялар тууралуу видео материал негиз болгону маалымдалган.
Мындан кийин «Азаттыктын» банктагы эсеби бөгөттөлсө, кийин Маданият министрлиги маалымат каражатынын ишмердигин токтотуу боюнча сотко арыз жазган. Бул арызды быйыл 27-апрелде Ленин райондук соту канааттандырган. «Азаттыктын» адвокаттары бул иш боюнча Бишкек шаардык сотуна апелляциялык арыз жазган.
“Эркин Европа/Азаттык” радиосунун кыргыз кызматынын Бишкектеги кеңсесинин, «Азаттык Медиа» мекемесинин жетекчиси алмашты. Айзада Касмалиеванын ордуна …
