Президент Садыр Жапаров бүгүн, 3-июлда, өлкөгө расмий сапар менен келген Швейцария Конфедерациясынын Тышкы иштер федералдык департаментинин башчысы Иньяцио Кассисти кабыл алды.
Кыргызстан менен Швейцариянын ортосундагы кызматташтыктын кеңири чөйрөсү боюнча пикир алмашуу болуп, анын ичинде саясий, соода-экономикалык чөйрөлөрдөгү өз ара аракеттенүүнүн актуалдуу күн тартиби, региондор аралык кызматташтык, Швейцариянын Кыргызстандагы долбоордук ишмердүүлүгү, туризмди жана тоолуу аймактарды өнүктүрүү маселелери талкууланды.
Мамлекет башчысы дипломатиялык мамилелер орногондон бери эки өлкө ортосундагы жемиштүү кызматташтыкты канааттануу менен белгиледи.
Президент 2023-жылдын жыйынтыгы боюнча эки тараптуу соода жүгүртүүнүн көлөмү 1 млрд АКШ долларынан ашкандыгын айтып, бул көрсөткүчтү мындан ары жогорулатуунун үстүндө биргеликте жигердүү иш алып баруу зарылдыгы боюнча пикирин билдирди.
Биргелешкен долбоорлорду ийгиликтүү ишке ашыруу контекстинде Садыр Жапаров Ысык-Көл облусундагы сүт азыктарын кайра иштетүү боюнча ишкананы, ошондой эле Швейцария 20 миллион швейцариялык франктан ашык салым кошкон Ат-Башы ГЭСинин реконструкцияланышын айтып өттү.
Президент Садыр Жапаров ошондой эле банк жана туризм тармактарындагы кызматташтыкты бекемдөөнү, тоо күн тартибин алдыга жылдырууну сунуштады.
Өз кезегинде Швейцариянын Тышкы иштер федералдык департаментинин башчысы Иньяцио Кассис жылуу кабыл алгандыгы үчүн ыраазычылык билдирип, эки өлкө ортосундагы кызматташтыктын олуттуу потенциалын белгиледи.
Ал Швейцария өз ара кызыкчылык туудурган маселелердин спектри боюнча өз ара аракеттенүүнү тереңдетүүгө даяр экендигин баса белгиледи.
Президент Садыр Жапаров бүгүн, 5-июлда, иш сапары менен Азербайжанга жөнөп кетти. Мамлекет башчысы бул сапардын …
Президент Садыр Жапаровдун Астана шаарында өткөн Шанхай кызматташтык уюмуна мүчө-мамлекеттердин башчыларынын кеңешинин жыйынына катышуусу аяктады. …
Президент Садыр Жапаров 5-6-июлда Азербайжанга иш сапары менен барат. Бул тууралуу президенттин администрациясынын тышкы саясат …
“Кабыл алынып жаткан Шанхай кызматташтык уюмунун «Адилеттүү тынчтык жана ынтымак үчүн дүйнөлүк биримдик жөнүндө» демилгеси, …
Президент Садыр Жапаров бүгүн, 3-июлда, Шанхай Кызматташтык Уюмунун Мамлекет башчыларынын кеңешинин (ШКУ МБК) кезектеги жыйынына …
Президент Садыр Жапаров 3-4-июлда Казакстандын Астана шаарына иш сапары менен барып, анын алкагында Шанхай кызматташтык …
