Акыйкатчы Атыр Абдрахматова абакта ачкачылык жарыялагандардан кабар алды. Бул тууралуу ал Фейсбуктагы баракчасына жазды.
«Арызын жазып, ачкачылык жарыялагандар менен бүгүн жолуктук. Расмий 9 адам арыз бергени менен, 4 кишиден сырткары баары ачкачылык кармоодо деп маалымат беришти. Эртең так санын беребиз. Мындан сырткары, Мамбетжунус Абыловдун, Асия Сасыкбаеванын ден соолугу жакшы эмес экенин билдиришти»,-деп жазды ал.
14-декабрда Кыйноолорду алдын алуу боюнча улуттук борбор укук коргоочу Рита Карасартова, Жогорку Кеңештин экс-депутаттары Равшан Жээнбеков, Орозайым Нарматова, Конституциялык соттун мурдагы судьясы Клара Сооронкулова, активисттер Атай Бейшенбек, Перизат Суранова, Жалал-Абад облусунун мурдагы губернатору Бектур Асанов ачкачылык жарыялаганын билдирген.
12-13-декабрда Бишкектин Биринчи май райондук соту Кемпир-Абад иши боюнча кармалып, камакка алынган 23 кишинин тергөө абагындагы мөөнөтүн дагы эки айга — 20-февралга чейин узартты. Саясатчы Азимбек Бекназаров 23-февралга чейин камакта калган, Нурлан Асанбековдун үй камагындагы мөөнөтү да 20-февралга чейин узартылган. Бул күндөрү жалпы 25 адамга карата чечим чыккан.
Оппозициялык маанайдагы саясатчы, укук коргоочу, активист жана блогерлер быйыл 23-28-октябрда жапырт кармалган.
Ички иштер министрлиги (ИИМ) алар «Жапырт башаламандык уюштурууга даярдык көргөн» деген негизде кармалганын билдирген. Кылмыш ишин козгоого алардын Кемпир-Абад суу сактагычы боюнча 22-октябрда Бишкектеги кафелердин биринде өткөргөн жыйыны негиз болгону айтылган.
Акыйкатчы Жамиля Жаманбаева укук коргоо органдарын убактылуу кармоочу жайда кармалып турган жарандардын укуктарын сактоону камсыз …
КР Акыйкатчысы (Омбудсмен) Жамиля Жаманбаева бир жылдай убакыттан бери системалуу түрдө 9 эркек тарабынан зордукталып …
КРнын Акыйкатчысы (Омбудсмен) Жамиля Жаманбаева мамлекеттик органдарды психиатриялык оорулар менен жабыркаган адамдардын укуктарын камсыздоого чакырат. …
КРдин Акыйкатчысы Жамиля Жаманбаева Монголиянын адам укуктары боюнча улуттук комиссиясынын башчысы Жаргалсайхан Хунан менен жолугушту. Акыйкатчылыктан …
КРнын Акыйкатчысы (Омбудсмен) Жамиля Жаманбаева Ташкент (Өзбекстан) шаарында өткөн “Адам укугун камсыз кылуу – мамлекеттин …
Акыйкатчы Жамиля Жаманбаева жабык мекемелерде жаза мөөнөтүн өтөп жаткандардын укуктарынын камсыздалышына көңүл бурууда жана мамлекеттик …
