Ноокен районунда нөшөрлөп жааган жамгырдан улам кооптуу кырдаал жаралып, аймакка III даражадагы өзгөчө кырдаал режими киргизилди. Бул тууралуу ӨКМдин Жалал-Абад облустук башкармалыгы билдирди.
Күн мурун катуу жааган жамгырдын кесепетинен Кочкор-Ата шаарында, Э. Алиев айыл аймагында жанаМомбеков айыл аймагына караштуу Бостон, Курулуш жана Көп-Там айылдарында сел жүргөн.
Сел суулары бир катар турак жайлардын короолорун, мал сарайларын жана соода жайларын каптап, материалдык чыгымдарга учураткан.
«Кырсыктын кесепеттерин ыкчам жоюу жана калыбына келтирүү иштерин натыйжалуу уюштуруу максатында мыйзамга ылайык район аймагында өзгөчө кырдаал режими жарыяланды», — деп айтылат маалыматта.
Учурда Жарандык коргонуу кызматтары жана куткаруучулар тиешелүү техникалар менен жеринде тазалоо иштерин жүргүзүүдө. Президенттин өкүлү Тилек Текебаев кырсык болгон жерде абалга баа берип, тиешелүү чечимдерди кабыл алууда.
ӨКМ өлкө аймагында туруксуз аба ырайы сакталып жаткандыктан, жарандарды коопсуздук эрежелерин так сактоого, расмий маалыматтарга көңүл бурууга чакырат. Кырсык же өзгөчө кырдаал жаралган учурда токтоосуз «112» кызматына чалыңыз.
12-июль күнү кечки саат 20.30дар чамасында кыска мөөнөттө нөшөрлөп жааган жаандан улам кокту-колоттон түшкөн суулар …
Күн мурун Түндүк – Түштүк альтернативдүү унаа жолунун 232-чакырымында сел жүрүп, жол эки тараптуу жабылган. …
Маалыматка ылайык, 9-июлдан 13-июлга чейин өлкө аймагында абанын температурасы кескин жогорулап, тоолордо мөңгүлөрдүн эриши күтүлүүдө. …
Өзгөчө кырдаалдар министрлиги 7-июль күнү түштөн кийин жана 8-июлда өлкөнүн бир катар аймактарында сел жүрүү …
Күн мурун куткаруучулар жана Садыр-Аке айыл өкмөтүнүн кызматкерлери Григорьевка капчыгайынын Суу-Ашуу ашуусундагы малчылардан кабар алып, …
Өлкөдө ушул жылы 283 сел кырсыгы катталды. Бул тууралуу 29-июнда Өзгөчө кырдаалдар министрлигинин (ӨКМ) коргоо …
