Кыргызстан Орусияда кармалган жаранынын Тажикстандын күч органдарына өткөрүлүшүнө жол берген жок. Бул тууралуу 25-октябрда өлкөнүн акыйкатчысынын кеңсесинен билдиришти.
Мекеменин маалыматына караганда, тажик тарап ал жаранга эл аралык издөө жарыялаган, бирок акыйкатчынын жана Тышкы иштер министрлигинин биргелешкен аракети менен Орусия аны Тажикстанга экстрадициялоодон баш тартты жана кылмыш жообуна тартуу мөөнөтү өтүп кеткенине байланыштуу эркиндикке чыгарды.
Ал 2013-жылы Тажикстандан Кыргызстанга көчүп келгени, кыргыз жарандыгын алып, ошондон бери бул жакта жашап жүргөнү, быйыл эмгек миграциясына Орусияга барганда чек арадан кармалганы маалымдалды.
Иштин материалдарында айтылгандай, ал 2010-2013-жылдары Тажикстандын куралдуу күчтөрүндө келишимдик кызматта иштеген, 2013-жылы ага “аскердик бөлүктү өзү билип таштап кеткен” деген айып тагылган.
Кыргызстандын акыйкатчысы, тышкы саясий мекемеси Новосибирск шаарындагы башкы консулдук менен бирге аны экстрадициялоого негиз жоктугу тууралуу бардык далилдерди келтире алышкан.
Натыйжада Орусиянын Рубцов транспорттук прокуратурасы кыргыз тараптын жүйөлөрүн кабыл алып, аны кылмыш жообуна тартуу мөөнөтү 2019-жылы өтүп кеткенин белгилеп, бошотуу тууралуу чечим кабыл алды.
Кыргызстандын жүз миңдеген жараны ушу тапта Орусияда эмгек мигранты болуп жүрөт.
Акыйкатчы Жамиля Жаманбаева Бишкек шаарындагы мектептердин биринде биринчи класстын окуучусу сабалган окуяны — баланын укугун …
КРдин Акыйкатчысы (Омбудсмен) Жамиля Жаманбаева Финляндиянын укук үстөмдүгү борборунда өткөн эл аралык семинарга катышты. Бул …
Акыйкатчы Жамиля Жаманбаева укук коргоо органдарын убактылуу кармоочу жайда кармалып турган жарандардын укуктарын сактоону камсыз …
КР Акыйкатчысы (Омбудсмен) Жамиля Жаманбаева бир жылдай убакыттан бери системалуу түрдө 9 эркек тарабынан зордукталып …
КРнын Акыйкатчысы (Омбудсмен) Жамиля Жаманбаева мамлекеттик органдарды психиатриялык оорулар менен жабыркаган адамдардын укуктарын камсыздоого чакырат. …
КРдин Акыйкатчысы Жамиля Жаманбаева Монголиянын адам укуктары боюнча улуттук комиссиясынын башчысы Жаргалсайхан Хунан менен жолугушту. Акыйкатчылыктан …
