Бишкек. 08.04.2019. Govori.TV.
КРдин Акыйкатчысы Токон Мамытов УКМКнын мурдагы төрагасы Мурат Суталиновду ден соолугуна байланыштуу абактан бошотууга чакырды. Бул тууралуу акыйкатчы «Govori.TV» агенттигине өзү билдирди.
Анын айтымында, арыз менен таанышып көрүп Жогорку сотко, Бишкек шаардык сотунун төрагаларына Суталиновдун ишин адилет кароо менен аны абактан бошотууга чакырды.
Эске салсак, 2010-жылы атайын кызматты жетектеген Мурат Суталинов апрель окуясындагы кан төгүүгө байланыштуу айыпталып, 20 жылга соттолгон.