• Дүйшөмбү 21 Тогуздун айы 2019

Ат-Башыдан 16 адам кутурма ооруусуна байланыштуу ооруканага кайрылды

16 июня 2018 в 20:36 Бишкек Govori.TV

Бишкек.16.06.2018.Govori.TV

Нарындын Ат-Башы районундагы ооруканага 16 адам кутурма оорусуна байланыштуу кайрылды. Болжолдуу маалыматтар боюнча, Казыбек айылында малга кутурма менен ооруган карышкыр кол салган.

«Бизге маалымат жеткенде дароо санитардык-эпидемиологиялык көзөмөл борборунун өкүлдөрү, ветеринардык жана медициналык дарыгерлер, айыл өкмөт башчы менен бирге кутурма оорусу чыккан Арпа жайлоосуна ыкчам текшерүү уюштурдук. Ал үй-бүлөдөгү 7 адам жана ошол учурда алар менен байланышта болгон тааныштары — жалпы 16 адам ооруканага келип, кутурмага каршы эмдөө алышты.  Ал эми малдарга керектүү дары-дармектер жөнөтүлдү. Өлгөн малдар өрттөлүп, жерге көмүлүп, хлорлонду. Учурда тазалоо иштери жүрүп жатат», – дейт Ат-Башы райондук акиминин орун басары Ж.Тентимишов.

Казыбек айылынын тургундарынын айтымында, кутурма оорусу жуккан мал ээсинин короосуна карышкыр кол салганда 7-8 баш мал жабыркаган. Аларды айыктыруу үчүн керектүү дарылар колдонулганы менен жыйынтык чыкпай, андан шектенген тургун текшерүүгө алып барган. Ал эми айрым тургундар өлгөн мал дароо көмүлбөй, илинип турганын айтышты.

Количество просмотров: 1