Казакстанда Улуттук коопсуздук комитетинин (УКК) Алматы шаардык департаментинин мурдагы башчысы алты жылга соттолду.
Алматыдагы Алмалы райондук сотунун Facebook баракчасында «Н.М. аттуу жаран «Кызмат абалын кыянат пайдалануу» беренеси боюнча күнөөлүү деп табылып, алты жылга соттолгону, анын мамлекеттик кызматтарда иштөөсүнө 10 жылга тыюу салынып, генерал-майор наамы жокко чыгарылганы» жазылган.
Жергиликтүү басылмалар кеп УККнын Алматы шаардык департаментин 2022-жылдын январына чейин башкарган Нурлан Мажилов жөнүндө болуп жатканын жазышты.
Казакстандын Башкы прокуратурасы Мажиловго карата тергөө иштери жүрүп жатканын былтыр февралда билдирген. Бирок анда иштин чоо-жайы тууралуу кеңири маалымат берилген эмес.
Быйыл 7-апрелде Талдыкорган шаардык соту УККнын Алматы облустук департаментинин мурдагы башчысы Сабит Курманалиевди «Кызмат абалын кыянат пайдалануу» беренеси боюнча күнөөлүү деп таап, алты жылга эркинен ажыраткан. Тергөөнүн версиясына ылайык, ал Январь окуялары маалында департаменттин имаратын коргоо чараларын көрбөй, жеке курамга кызматтык жана жашыруун документтерди жок кылууга буйрук берген.
Буга чейин Январь окуялары маалында кызматтык милдеттерин аткарган эмес деген айып менен Казакстандын мурдагы коргоо министри Мурат Бектанов 12 жылга соттолгон. Күн мурун Астана соту Улуттук коопсуздук комитетинин экс-төрагасы Карим Масимовду 18 жылга, анын мурдагы үч орун басарын үч жылдан 16 жылга чейинки мөөнөттөргө эрктеринен ажыраткан.
Алматынын кылмыш иштери боюнча райондор аралык соту жети жаштагы өгөй кызын өлтүрүүгө айыпталган шаар тургунун …
Алматыда жер титирөө учурунда сиреналар иштеп, адамдар сыртка чыгышты. Бул тууралуу видеолор социалдык тармактарга жарыяланды. …
Алматыда жер көчкү басып калган үйдөн каза болгон төрт кишинин баарынын сөөгү табылды. Бул тууралуу …
Кыргызстандын министрлер кабинетинин төрагасы Акылбек Жапаров Бишкек ЖЭБинде болгон аварияга байланыштуу иш сапарын токтотуп, Алматы …
Казакстандын Улуттук коопсуздук комитетинин басма сөз кызматы 24-январда Алматыда «курал-жарак сакталган жашыруун жай» табылганын билдирди. …
Казакстандын Алматы шаарындагы жер титирөөдөн кийин ооруканаларга 44 жаран кайрылган. Бул тууралуу Казакстандын Саламаттык сактоо …
