Россиянын тергөө комитети Молдованын Демократиялык партиясынын лидери, олигарх Владимир Плахотнюкту адам өлтүрүү боюнча кылмышка тиешеси бар деп таап, олигархты сыртынан камакка алуу чечимин Москванын Басман райондук соту чыгаргандыгын «Росбалт» агенттиги жазып чыкты.
Эске салсак, Плахатнюк Кыргызстанга экс-президент Алмазбек Атамбаевдин ысымына байланыштуу таанымал. 2015-жылы Алмазбек Атамбаев Санкт-Петербургга Владимир Путинге жолугушууга баратып, орто жолдон бейрасмий түрдө Молдованын борбору Кишиневго Плахотнюкка таандык Embraer Legacy 650 учагы менен барган. Учурдагы Өкмөт башчы, ал кездеги президенттик аппаратынын тышкы саясат бөлүмүн жетекчиси Сапар Исаков бул окуя тууралуу жарытылуу комментарий бербей кутулган эле.
