Мурда жылдырылган Olympic Day эл аралык спорттук майрамы 2026-жылдын 21-июнунда Бишкек шаарындагы Т. Усубалиев атындагы аянтта өткөрүлөт.
Катышуучуларды чогултуу саат 09:00дө башталат, ал эми чуркоонун старты саат 10:00гө белгиленген.
Чуркоо маршруту Абдымомунов, Орозбеков, Раззаков жана Рыскулов көчөлөрү аркылуу В.И. Лениндин эстелигинин айланасы менен өтөт.
Иш-чараны өткөрүүгө байланыштуу 21-июнда саат 08:00дөн 14:00гө чейин чуркоо маршруту өткөн көчөлөрдө автотранспорт каражаттарынын кыймылына убактылуу чектөө киргизилет.
Урматтуу шаар тургундары жана борбор калаанын коноктору! Убактылуу жаралган ыңгайсыздыктарга түшүнүү менен мамиле кылып, жүрүү багытыңыздарды алдын ала пландап алууңуздарды өтүнөбүз.
