Бишкек шаарынын түштүк-чыгышындагы Э.Гареев атындагы Ботаникалык бакчага сейилдеп жүргөн адамдар чылым таштагандан улам өрт чыккан. Бул тууралуу Өзгөчө кырдаалдар министрлиги билдирди.
«Чылым таштаган адамды кармаганга мүмкүнчүлүк болгон жок»,- деп жазылат маалыматта.
2017-жылдын күз айларында Ботаникалык бакчада кайра-кайра өрт чыгып, бакчанын директору кызматтан алынып, өкмөт башчы Сапар Исаков бул маселени жеке көзөмөлүнө алган.
