Чек арадан мыйзамсыз өтүп бара жаткан адам кармалды

Бишкек.25.07.2019.Govori.TV.

Бүгүн, 25-июль күнү “Ак-жол” көзөмөл-өткөрмө бекетинен башка бирөөнүн паспорту менен өтүүгө аракет кылган Кыргызстандын жараны кармалды. Бул тууралуу Мамлекеттик чек ара кызматынан билдиришти.

Маалыматка ылайык, кармалган адам чек ара кызматкерлерине 1997-жылы туулган А.Д., аттуу башка жарандын паспортун көрсөткөн. Ал эми анын келбетинин шек санаган кызматкерлер текшерүүгө алган.

Учурда тиешелүү документтер толтурулуп кармалган адам УКМКнын кызматкерлерине өткөрүлүп берилди.