Ысык-Көлдө 15 жаштагы кыз сууга чөгүп кетти. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка ылайык, окуя бүгүн, 8-августта болгон.
Каракол шаардык пляжында 2005-жылы туулган кыз сууга чөгүп кеткендиги тууралуу маалымат түшкөн.
Издөө иштерин жүргүзүү үчүн Каракол шаардык №15 ӨКБдан 3 куткаруучу тартылып, маркумдун жансыз денесин суудан чыгарып, ИИМдин кызматкерлерине өткөрүп беришкен.