Кыргыз Республикасынын Финансы министрлигинин Борбордук казыналыгы тарабынан коммерциялык банктарга АКШ долларын сатууга/сатып алууга тыюу салуу боюнча көрсөтмөлөр болгон эмес. Бул тууралуу финансы министрлигинин басма сөз кызматынан кабарлашты.
Маалыматта айтылгандай, Кыргыз Республикасынын Финансы министрлигинин Борбордук казыналыгы акча-кредит саясатын жөнгө салуу жана коммерциялык банктардын ишин көзөмөлдөө бөлүмдүн компетенциясына кирбейт.
Белгилей кетсек, буга чейин социалдык тармактарда Каржы министрлиги коммерциялык банктарга доллар сатууга тыюу салганы тууралуу маалыматтар тараган.