Казакстан QazCovid-in деп аталган коронавируска каршы жергиликтүү вакцинаны үч миң ыктыярчыга сыноону баштады. Бул тууралуу казак өкмөтүнүн сайты кабарлады.
Маалыматка караганда, Жамбыл облусундагы Биологиялык коопсуздук проблемалары илимий-иликтөө институту (ГЗИ) QazCovid-in вакцинасынын клиникалык сыноосунун 1-2 фазасын жүргүзгөн, вакцинанын эффективдүүлүгү 96% деп белгиленген.
Казакстандын премьер-министри Аскар Мамин QazCovid-in вакинасы менен жапырт эмдөө 2021-жылы мартта башталарын билдирген.
Буга чейин Жамбыл облусунда наркы 7 млрд. теңгеге (16,5 млн долларга) бааланган коронавируска каршы казакстандык вакцина чыгара турган завод курула баштаганы айтылган. Ага ылайык, завод жылына 30-60 млн. доза өлчөмүндө коронавируска каршы вакцина өндүрмөкчү. Андан тышкары куш тумоосу, бруцеллез, дерматит сыяктуу илдеттерге каршы вакциналар чыгарылары айтылган.
Ошол эле маалда казак бийлиги Орусиянын президенти Владимир Путин менен түзүлгөн келишимге ылайык, ушул жылдын 22-декабрында Казакстанда Орусиянын «Sputnik V» вакцинасынын өндүрүшү башталарын да маалымдаган.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
АЯНТТАГЫ ТУУ КАЙРА АЛМАШТЫ Мамлекеттик катчы Сүйүнбек Касмамбетов 1-январда Бишкектеги “Ала-Тоо” аянтында макулдашылбаган туу илингенин …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
