Казакстандын куралдуу күчтөрү Жамааттык коопсуздук келишим уюмунун (ЖККУ) машыгуусун өткөрүүгө даярданууда. Бул тууралуу өлкөнүн Коргоо министрлиги билдирди.
«Быйыл октябрь айында Казакстандын аймагында жамааттык күчтөрдүн «Өз ара аракеттенүү – 2022» командалык-штабдык машыгуусу, чалгын күчтөрүнүн жана каражаттарынын «Издөө – 2022» атайын машыгуусу жана «Эшелон — 2022″ бөлүгүнүн атайын машыгуусу өтөт», — деп айтылат билдирүүдө.
ЖККУга мүчө мамлекеттердин биргелешкен «Рубеж — 2022» машыгуусу Тажикстандын аймагында, «Бузулбас боордоштук – 2022» машыгуусу Кыргызстанда өтөт.
Казакстандын Коргоо министрлиги билдиргендей, бул иш-чаралар ЖККУнун жамааттык коопсуздук системасынын белгиленген тапшырмаларды аткарууга даярдыгын жогорулатууга багытталган.
Украинада согуш башталгандан кийин казак коомчулугу казак аскерлери ЖККУнун курамында согушка аттанышы мүмкүн деп кооптонгон. Казакстан парламентинин сенатынын төрагасы уюмдун уставы боюнча тынчтыкты орнотуучу күчтөр ЖККУдан тышкаркы аймакка БУУнун мандатынын негизинде гана жөнөтүлөрүн айткан.
Жамааттык коопсуздук келишим уюму 1992-жылы түзүлгөн. Анын курамына Армения, Беларус, Казакстан, Кыргызстан, Орусия жана Тажикстан кирет.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Армения Жамааттык коопсуздук келишим уюмуна мүчө болууну убактылуу токтотту. Бул тууралуу өлкөнүн өкмөт башчысы Никол …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргыз Республикасынын Президенти Садыр Жапаров кол койгон Жарлыкка ылайык, Масадыков Таалатбек Шамудинович 2024-жылдын 1-январынан тартып …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
