24-февралда Казакстандын Түркстан облусундагы Сузак районунда «Казатомпромдун» туундуу компаниясы эсептелген «Волковгеология» ишканасынын «Оңтүстік ВГ» ГРЭ-7 деп аталган филиалынын жүздөгөн жумушчусу иш таштады. Алар айлыктарды 100% жогорулатууну талап кылууда.
Жумушчулар талаптары жазылган жамааттык кайрылууну ишкананын жетекчилигине беришкенин билдиришти. Эгер талаптар аткарылбаса алар өлкө президенти Касым-Жомарт Токаевге кайрыла тургандыктарын айтышты.
«Мен ишканада 20 жылдан ашык убакыттан бери иштейм, айлыгым 140 миң теңге (300 доллар). Жалпы жумушчулардын айлыгы 65-140 миң теңгени түзөт. Бул акчага жашоо өтө оор. Планды 100% аткарсаң сыйакы берилет, бирок аны толук аткаруу мүмкүн эмес», — деди өзүн Нурлан Беков деп тааныштырган жумушчу.
Иш таштагандардын айтымында, «Оңтүстік ВГ» ГРЭ-7 ишканасынын филиалында вахталык ыкма менен миңден ашык киши иштейт. Учурда алардын 500ү эс алууда болсо, дагы 500ү жумушка чыгуудан баш тартышкан.
«Азаттыктын» казак кызматы жумушчулардын иш таштоосу боюнча аталган филиал менен байланышып, бирок жетекчилигинен комментарий ала алган эмес.
Компаниянын сайтындагы маалыматка ылайык, совет мезгилинде түзүлгөн «Волковгеология» ишканасын «Казатомпромдун» курамына 1997-жылы киргизилген жана бүгүнкү күндө анын төрт филиалы бар. Компания уран кендерин издөө, чалгындоо, аларды эксплуатацияга берүү жана технологиялык бургулоо менен алектенет. Анын ишканаларында жалпысынан 4 миңден ашык киши иштейт.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
Бүгүн Бишкек шаарындагы бир катар троллейбус айдоочулары каттамга чыкпай, иш токтотушту. Бул тууралуу Govori.TVга 11-троллейбустун …
