Кыргызстандагы мектеп мугалимдери компетенттүүлүгүн баалоо үчүн тестирлөөдөн өтүшөт. Бул тууралуу билим берүү министри Догдуркүл Кендирбаева түз эфирде билдирди.
«Бардык мугалимдердин кесиптик компетенттүүлүгүн аныктоо үчүн тестирлөө жүргүзүлөт, бул мугалимдерди жазалоо үчүн эмес, квалификациялык системаны баалоо, мугалимдерди даярдоо жана билим берүү системасынын предметтик жана предметтик компетенттүүлүгүн аныктоо үчүн жүргүзүлөт. Учурда тестирлөөгө даярдыктар жүрүп жатат», — деди министр.
Эске салсак, өткөн жылы министрлер кабинетинин башчысы Акылбек Жапаров ар бир мугалим өз предметинен экзамен тапшырышы керектигин, комиссиянын курамына ата-энелер, жетекчилер жана Жогорку Кеңештин депутаттары кириши керектигин билдирген.
2021-жылдан баштап Кыргыз Республикасында мугалимдерди ыктыярдуу аттестациялоо жүргүзүлүп, анын жыйынтыгы боюнча мугалимдердин квалификациясы төмөн болгон. Маселен, быйылкы жылдын башында 56 мугалимдин ичинен бирөө гана эң жогорку балл алып, өзүнүн категориясын тастыктады.
Кыргызстандын жалпы билим берүү уюмдарында мектеп формасы классикалык стилде болушу керек. Бул тууралуу Билим берүү …
