Бүгүн, 20-майда Бишкекте Саламаттыкты сактоо министри Алымкадыр Бейшеналиевди колдогон акция өтүп жатат.
Министрликтин имаратынын алдына чогулгандар министрдин үч орун басарын кызматтан кетишин талап кылышууда.
Эске салсак, 16-майда Саламаттыкты сактоо министри Алымкадыр Бейшеналиевдин орун басарлары Улук-Бек Бектурганов, Жалалидин Рахматуллаев, Жапаркул Ташиев жана айрым башкармалыктардын жетекчилери министрдин кызматтан кетишин талап кылып, маалымат жыйын өткөрүшкөн. Эртеси Бейшеналиевдин жүргүзүп жаткан реформаларын колдогондор митингге чыккан.