Премьер-министрдин милдетин аткаруучу, биринчи вице-премьер-министр Артем Новиков Бишкек шаарындагы экологиялык абал боюнча жыйын өткөрдү. Отурумга Кыргыз Республикасынын Жогорку Кеңешинин депутаты Марлен Маматалиев дагы катышты.
«Бир нече жылдан бери борбордун экологиясына таасир эткен көптөгөн факторлор талкууланып келет. Бул боюнча ар бир тармактык мамлекеттик органдын маалыматтарв ар башка. Тигил же бул фактордун абанын булганышына кандай таасир тийгизери жөнүндө так маалымат жок. Бүгүнкү күндө жалпы талдоо абанын булгануусу ченемден бир нече эсе ашып кеткендигин көрсөтүүдө. Ошол эле учурда 2019-жылдын январь айында бекитилген экологиялык абалды жакшыртуу программасынын 40 пунктунун ичинен үч пунктту гана аткарылды, бирок бул шаардын экологиялык абалына түздөн-түз көз таасир этпейт. Биз үчүн экологияга келген оорчулукту азайтуу боюнча конкреттүү чараларды иштеп чыгуу маанилүү» — деди Артем Новиков.
Артем Новиковдун айтымында, бул баарынан биринчи бул Бишкек шаарынын айланасындагы турак жайларды газдаштыруу масштабын кеңейтүү механизмдерин өркүндөтүү, борбордун жылуулук электр борборун газдаштыруу жана коомдук жана жеңил унааларды газ кыймылдаткычына өткөрүү маселелерине байланыштуу.
«Газпром Кыргызстан» ЖЧКсынын инвестициялык программасынын алкагында Бишкек шаарынын айланасындагы 22 калктуу конуш газга туташтырылды. Тактап айтканда, 14 миңден ашуун үй жаратылыш газына кошулган. Дагы 5 конушта жумуштар аяктады. Жарандар арасында газ менен жылытууга өтүүнү активдүү сунуштап, экологиялык билим берүү жана маданиятын жайылтуу керек. Өкмөт финансы уюмдарынын катышуусундагы жеке үйлөргө каражатын бөлүп-бөлүп төлөй мүмкүнчүлүгү каралган газ менен иштей турган жылытуу системасын орнотуу боюнча жаңы программаны колдоду. Ушул эле маселе муниципалдык жана жеке менчик унааларды газ кыймылдаткыч отунуна өткөрүү боюнча иштерди күчөтүүгө дагы тийиштүү. Бул үчүн чаралар кабыл алынды. Тактап айтканда, электромобилдерге бажы алымдары нөлгө түшүрүлдү, өлкөдө катталган унааларга газ жабдууларын орнотуунун мөөнөтүн узартуу боюнча программа иштелип жатат», — деп белгиледи Өкмөт башчынын м.а.
Премьер-министрдин милдетин аткаруучу жылуулук электр борборунан абага чыккан зыяндуу заттар боюнча дагы сөз кылды.
«Белгилүү маалыматтар боюнча, зыяндуу чыгындылардын 20% Бишкек ЖЭБ туура келет. Так санды эч ким айтып бере албайт. Мында 2019-жылы күз-кыш мезгилинде ташылып келинген көмүрдүн сапатынын талапка жооп бербегендиги үчүн санкциялар 14 млн сомду түзсө, үстүбүздөгү жылдын 3 айына жетпеген учурда ал 68 млн сомду түзгөн. Мунун бардыгын борбордук ЖЭБ жагууда. Тийиштүү органдардын өкүлдөрүнө ыкчам тартипте Бишкек ЖЭБди газга өткөрүү мүмкүндүгү боюнча тийиштүү эсептөөлөрдү аткаруусун тапшырам. Эгерде көмүргө жана газга карата чыгымдар салыштырмалуу бирдей болсо, анда бул маселени тез арада чечүү керек. Көйгөй бирөө, ал эми аны чечүү маселеси көп. Аталган көйгөйдү чечүүгө комплекстүү мамиле жасамайынча биз бир орунда тапталып тура беребиз, ал эми Бишкек шаары мурдагыдай эле ышка чөмүлүп кала берет», — деп жыйынтыктады премьер-министрдин милдетин аткаруучу.
Буга катар кеңешменин жүрүшүндө Бишкек шаарынын мэриясына от казандарды газга өткөрүү, таштанды полигонундагы бөлүштүрүү линияларын куруу маселесин чечүү, комплекстүү жашылдандыруу программасын ишке ашыруу, ошондой эле желаргыны эске алуу менен архитектуралык долбоорлоого карай мамилени өзгөртүү тапшырмалары берилди.
Кыргыз Республикасынын Жогорку Кеңешинин депутаты Марлен Маматалиев Кыргыз Республикасынын Өкмөтүнүн абага кое берилүүчү зыяндуу заттардын деңгээлин кыскартуу жана абаны тазалоо боюнча иш-чаралар планына өз сунуштарын киргизди. Ошондой эле ал Өкмөт ыш маселесин чечүүгө олуттуу киришкенин белгиледи.
Кеңешменин жыйынтыгы боюнча Экологиялык тазалоо боюнча механизмдерди иштеп чыгуу планын толуктап иштеп чыгып, келерки жумада бекитүү сунушталды.
14-февралда Бишкекте Европа Биримдигинин жана Борбор Азия мамлекеттеринин Ооганстан боюнча атайын өкүлдөрүнүн жана чабармандарынын кезектеги, …
Бүгүн, 16-январда депутат Эмил Жамгырчиев Жогорку Кеңешке келди. Ал азыркы тапта Укук тартиби, кылмыштуулук менен …
Бишкек шаарынын ЖЭБ-1 аймагында мэр Айбек Жунушалиевдин төрагалыгы алдында күз-кыш мезгилине даярдык көрүү боюнча жыйын …
«Ала-Арча» Мамлекеттик резиденциясында Евразиялык өкмөттөр аралык кеңешинин тар курамдагы жыйыны өттү. Жыйындын алдында делегация башчыларынын …
Эртең, 12-октябрда Жогорку Кеңештин жыйыны болбойт. Парламенттин 11-октябрдагы жыйынында депутат Жаныбек Кыдыкбаев Көз карандысыз мамлекеттер …
Бүгүн, 15-сентябрда Энергетика министрлиги 2023-2024-жылдын күзгү-кышкы жылытуу мезгилине даярдыгы, анын ичинде калкка жана мекемелерге көмүр …
