21-декабрь күнү кечинде Прага шаарындагы Карлов университетинин имаратында белгисиз кишинин ок атуусунан «15тен ашык адам» каза болуп, дагы ону жаракат алды. Алардын тогузунун абалы оор экени кабарланууда.
Праганын мэри Богуслав Свобода шектүү бийиктиктен секирип каза болгонун билдирди. Болжолдуу маалыматтар боюнча, ал аталган университеттин 24 жаштагы студенти болгон. Ал оптикалык мээлегичи бар мылтыктан ок чыгарган.
Күбөлөрдүн айтымында, шектүү өз атасын атып өлтүргөнүн, эми башкаларды да жок кыларын айтып кыйкырган.
tn.cz агенттиги имараттын чатырында колуна курал кармап турган эркек кишинин сүрөтүн жарыялады.
Окуу жай жайгашкан Ян Палах аянты жана анын тегереги курчоого алынып, полиция ал жакка барбай турууну эскертүүдө.
1348-жылы негизделген Карлов университети дүйнөдөгү жана Чехиядагы алдыңкы жогорку окуу жайларынын бири. Анда 50 миңден ашуун студент билим алат.
Чехияда жарандардын ок атуучу куралга ээ болуу укугу Конституцияда 2021-жылы бекитилген.
3-майда Прага шаарында Кыргызстандын Чехиядагы ардактуу консулдугунун ачылышына арналган расмий иш-чара өттү. ТИМден билдиришкендей, иш-чарага …
Чехиянын полициясы ишемби күнү Праганын борборунда өкмөткө каршы митингге кеминде 70 миң адам катышканын билдирди. …
