22-ноябрда Бишкектин Октябрь райондук соту Жогорку Кеңештин мурдагы депутаты, саясатчы Канатбек Исаевди УКМК тергөө абагына 4-декабрга чейин камакка алды.
Ага Кылмыш-жаза кодексинин “Уюшкан топторду жана кылмыштуу коомдоштуктарды каржылоо” беренеси менен кине тагылганы белгилүү болду. Саясатчы журналисттерге коюлган айыпка макул эмес экенин айтты.
Канатбек Исаевди УКМК кызматкерлери 20-ноябрда кармаганы 22-ноябрда белгилүү болду.
Атайын кызмат саясатчыга козголгон иш тууралуу маалымат бере элек.
