Бишкек. 06.11.2018. Govori.TV
Чыңгыз Айтматовдун кичи мекени болгон Талас шаарында «Айтматов жана театр ааламы» деп аталган биринчи балдар фестивалы өтөт. Бул туурасында уюштуруучулар билдирет.
Анда «Устат-шакирт» борборунун «Умтул» мектеп театрларынын тармагы даярдаган спектаклдер тартууланат. Иш-чара залкар жазуучу Чыңгыз Айтматовдун 90 жылдык юбилейине жана аймактарды өнүктүрүү жылына арналган. Конкурс Капар Медетбеков атындагы Талас облустук музыкалык-драма театрынын базасында Кыргызстандын 13 мектебинин балдарынын катышуусунда 11-17-ноябрда өтмөкчү.
Андан сырткары, Тажикстандын Душанбе шаарындагы көркөм мектептин тарбиялануучулары жергиликтүү режиссер Бахтиёр Кахаровдун жетекчилиги менен келиши күтүлүп жатат.