Мындай арыз менен айдоочулар кайрылууда.
«Алдымдагы машинеден чачыраган майда таш менин маңдайкы тереземди жарака кылып кетти. Мен бул терезени күзүндө салгам. Эми ким менин чыгымымды төлөп берет?- деп жазат,-авто айдоочу.
«Тазалык» муниципиалдык мекемесинин басма-сөз кызматы кечээтен бери Бишкек шаарынын жолдоруна 752 тонна кум, 57 тонна туз себилгенин жана бул материалдар мамлекеттик стандартка жооп берээрин билдиришти.
Терезеси сынган айдоочулар сотко арыз менен кайрылса болот. Бишкек шаарынын бир тургуну жолдогу чуңкурлар үчүн мэрияны сотко берип, дөнгөлөк утуп алган окуя болгон.
