Казакстандын президенти Касым-Жомарт Токаев «Сот системасы жана судьялардын макамы жөнүндөгү» конституциялык мыйзамга өзгөртүүлөрдү киргизүү тууралуу» мыйзамга кол койду.
Буга чейин толуктоолорду киргизүүнү демилгелеген депутаттар мыйзам жер-жерлердеги соттордун «чыныгы көз карандысыздыгын» камсыз кылып, апелляциялык баскычтагы соттордун ыйгарым укуктарын кеңейте турганын билдиришкен. Документ кабыл алынгандан кийин апелляциялык инстанция кылмыш жана жарандык иштерди кайрадан биринчи баскычтагы сотко жөнөтпөстөн эле дароо кароо укугуна ээ болот. Бул соттук каталардын санын азайтып, соттук актылардын сапатын жогорулатат деп күтүлүүдө.
Өзгөртүүлөргө ылайык, Жогорку соттун судьялары парламент сенаты тарабынан тандалат. Ошол эле маалда талапкерлерди президент сунуштайт. Райондук соттордун төрагаларын соттук өзүн-өзү башкаруу органдары тандайт.
Мындан тышкары сотторго карата атайын ыкчам-иликтөө иш-чаралары эми башкы прокурордун уруксаты менен гана башталышы керек. Буга чейин коопсуздук органдары сотторго карата кылмыш иши жок эле атайын ыкчам-иликтөө иштерин баштоого укуктуу болчу.
Токаев сот системасына байланышкан мыйзамдарга өзгөртүүлөрдү киргизүү зарылдыгы тууралуу 2022-жылдын башындагы Январь окуяларынан кийин билдирген. Ага чейин эл аралык уюмдар менен жергиликтүү активисттер сотторду президент дайындаган тажрыйба бийликтин аткаруу бутагынын үстөмдүгүнө алып келерин айтышкан.
Президент Садыр Жапаров “Кыргыз Республикасынын мамлекеттик сыйлыктарына жана ардак наамдарына сунуштоонун, сыйлоонун, тапшыруунун, дубликаттарын берүүнүн, …
Президент Садыр Жапаров «Чет элдик өкүл» жөнүндө мыйзамына кол койду. Бул тууралуу ал өзү Facebook …
Касым-Жомарт Токаев Казакстан өкмөтүнө казак-кыргыз чек арасындагы кырдаалды жөнгө салууну тапшырды. Бул тууралуу Sputnik Казакстан маалымат агенттиги …
Президент Садыр Жапаров “2023-жылдын 24-апрелинде Бишкек шаарында кол коюлган Кыргызстан менен Сауд өнүктүрүү фондунун ортосундагы …
Казакстандын президенти Касым-Жомарт Токаев өзгөчө оор кылмыштар үчүн кылмыш жоопкерчилигин күчөтүүгө чакырды. Бул тууралуу Акордонун …
Президент Садыр Жапаров бүгүн Казакстандын президенти Касым-Жомарт Токаевге өлкөнүн чыгышындагы токой өрттөрүнүн кесепетинен адамдардын курман …
