Тоолуу Карабактын Армения колдогон бийлиги 28-июнда таңга жуук Азербайжандын куралдуу күчтөрү армяндардын позицияларын артиллериядан аткылаганын билдирди.
Маалыматка ылайык, бул аткылоонун натыйжасында армян тараптан төрт аскер набыт болгон.
Бир күн мурун Азербайжандын Коргоо министрлиги Агдам аймагында жайгашкан азери позициялары аткылаганы жана бир азербайжан жоокери жарадар болгону тууралуу маалымат тараткан.
Окуя 27-июнда, Кошмо Штаттарда Армения менен Азербайжандын тышкы иштер министрлеринин үч күндүк тынчтык сүйлөшүүлөрү башталган маалда болду.
Эл аралык мыйзамдарда Тоолуу Карабак Азербайжандын аймагы болуп эсептелет. Тараптардын талашы 1980-жылдардын аягында башталган. Негизинен этникалык армяндар жашаган Тоолуу Карабак автоном облусу Азербайжан ССРнин курамынан чыкканын жарыялап, 1991-жылдын сентябрында өзүн-өзү “Тоолуу Карабак Жумурияты” деп жарыялаган. Ортодо тутанган согуш 1988-1994-жылдары 30 миңдей адамдын өмүрүн кыйган.
2020-жылы эки өлкө катуу кагылышып, алты апталык урушта Армения төрт миңдей, ал эми Азербайжан үч миңдей жаранын жоготкону айтылган. Жаңжалда Азербайжан Тоолуу Карабактагы мурда Армения көзөмөлдөп турган бир нече районду жана Шуша шаарын кайтарып алган.
22-майда Армениянын премьер-министри Никол Пашинян Ереван өзүн-өзү “Тоолуу Карабак Жумурияты” деп атаган аймакты Азербайжандын бир бөлүгү деп таанууга даяр экенин билдирди. Бирок бул үчүн Баку аймакта жашаган этникалык армяндардын коопсуздугун камсыздоого тийиш.
Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …
Президент Садыр Жапаров бүгүн, 24-апрелде, мамлекеттик сапар менен Азербайжанга жөнөп кетти. 24-25-апрелде боло турган сапардын …
Президент Садыр Жапаров 24-25-апрелде мамлекеттик сапар менен Азербайжан Республикасына барат. Бул тууралуу президенттин администрациянын тышкы …
Президент Садыр Жапаров Азербайжанга мамлекеттик визит менен барат. Бул тууралуу Кыргызстандын тышкы иштер министри Жээнбек …
Бакунун Хатай райондук соту көз карандысыз ToplumTV басылмасынын негиздөөчүсү Алескер Мамедлини жана «III Республика платформа» …
Армения Жамааттык коопсуздук келишим уюмуна мүчө болууну убактылуу токтотту. Бул тууралуу өлкөнүн өкмөт башчысы Никол …
