Кыргызстандын Улуттук банкы 31-мартта да валюта сатып алуу боюнча интервенция жүргүздү. Башкы банктын расмий сайтындагы маалыматка караганда, жалпысынан 14,5 миллион доллар сатылып алынды.
30-мартта Улуттук банк валюта базарындагы 5,4 миллион долларды өзү сатып алган.
2018-жылдан бери Кыргызстанда мындай операция жүргүзүлгөн эмес.
Дээрлик эки жыл 85 сомдун тегерегинде туруктуу кармалып келген доллар Орусия-Украина кырдаалынан улам кымбаттай баштаган. Эки апта ичинде анын куну дээрлик 20 сомго жогорулап, 106 сомго жеткен.