Тобокелдиктерди алдын алуу максатында, Улуттук банк Visa жана Mastercard карта ээлерине «Элкарт» улуттук төлөм системасынын карталарын кошумча ачууну жана алар боюнча өлкө ичинде операцияларды жүргүзүүнү сунуштады. Бул тууралуу банктын расмий сайтында маалымдалат.
Маалым болгондой, бүгүнкү күндө өлкө аймагындагы төлөм системалары накталай эмес төлөмдөрдүн үзгүлтүксүз иштешин камсыз кылып жатат. Россия банктарына санкцияларды киргизүү (Visa жана Mastercard банктык төлөм карталарын эсептешүүлөрдүн эл аралык системаларынан өчүрүү) жалпысынан Кыргызгызстандын төлөм системасынын ишине түздөн-түз таасирин тийгизбейт, анткени Кыргызстанда «Элкарт» төлөм карталары менен улуттук эсептешүү системасы иштейт. Бул система өзүнүн форматтары, эрежелери, тарифтери боюнча иштейт. Ошол эле учурда катышуучулар менен байланыш каналы катары жергиликтүү коммуникациялык кызмат көрсөтүү провайдерлери пайдаланылат. «Элкарт» карталары менен жүргүзүлгөн операциялар жөнүндө маалыматтар республика аймагында иштелип чыгат жана сакталат.
«Санкция Россиянын процессинг борборлоруна жайылган учурда, бир нече банктардын (ал жакта тейленген) Visa жана Mastercard карта ээлери-кардарлар башка банктардын инфраструктурасында (банкоматтар, POS-терминалдар) тейлене албай калышы мүмкүн. Бирок алар ошол банктардын өздөрүнүн филиалдарында жана сактык кассаларында эсептешүү-кассалык тейлөөгө гана алынышы мүмкүн. Ушуга байланыштуу, мүмкүн болгон тобокелдиктерди алдын алуу максатында, Улуттук банк Visa жана Mastercard карта ээлерине «Элкарт» улуттук төлөм системасынын карталарын кошумча ачууну жана алар боюнча өлкө ичинде операцияларды жүргүзүүнү сунуштайт. «Элкарт» улуттук төлөм системасынын карталарын алуу үчүн кардарлар коммерциялык банктарга кайрылышы керек»,-деп жазылат маалыматта.
Кыргызстандын улуттук банкы валюта рыногунан 17,7 млн доллар сатып алды. Бул Улуттук банкттын доллар сатып …
Кыргызстанда 15-февралдан тарта 2023-жылдагы үлгү боюнча улуттук валютанын 20, 50 жана 100 сом номиналындагы жаңы …
Азыркы учурда Кыргызстанда валюта рыногундагы абал туруктуу. Бул тууралуу «Кабар» агенттигинде өткөн маалымат жыйынында Улуттук …
Улуттук банк мыйзамсыз акча алмаштырган жаранга айып салды. Финансылык жөнгө салуучу органдан билдиришкендей, Улуттук банктын …
Кыргыз Республикасынын Улуттук банкы валюта рыногундагы кырдаал боюнча билдирүү таратты. Маалыматта айтылгандай, учурда ички валюта …
Кыргызстандын Улуттук банкы Бишкектеги бир катар акча алмаштыруучу жайлардын лицензиясын убактылуу токтотту. Улуттук банктан билдиришкендей, …
