Veon «Beeline Кыргызстандагы» 50,1% акциясын непалдык CG Cell Technologies DAC тобуна сата турганын билдирди. Компания бүтүмдүн суммасын ачыктаган жок. Бул тууралуу орусиялык басылмалар жазып чыгышты.
Компания бул келишим Veon компаниясынын топтун түзүмүн жөнөкөйлөштүрүү жана ири рынокторго басым жасоо стратегиясынын бир бөлүгү экенин түшүндүрдү, анда компания каржы, көңүл ачуу, саламаттыкты сактоо жана билим берүү тармактарында санариптик кызматтардын оператору катары өнүгүп кете алат. Сатып алуунун негизги себеби, Veon тобунун Өзбекстан, Пакистан, Казакстан, Украина, Бангладеш сыяктуу ири базарларга көңүл бурууну каалоосу.
«Бул келишимге байланыштуу өзгөрүүлөргө келсек, албетте, бир нерсе өзгөрөт. Алдыдагы өзгөрүүлөр оң болоруна ишенебиз. Chaudhary Group (CG) дүйнө жүзү боюнча ар кандай тармактарда иш алып барат, эбегейсиз каржылык потенциалга ээ жана биздин компанияга инвестиция салууга даяр, бул өз кезегинде Кыргызстандын телекоммуникация рыногуна оң таасирин тийгизет», — деп түшүндүрүштү компания келишим боюнча. .
Ошондой эле Beeline Кыргызстандын жетекчилиги мурдагыдай эле, команда өз милдеттерин аткарууну улантып жатканы белгиленген. Жакынкы келечекте олуттуу структуралык өзгөрүүлөр күтүлбөйт. 49,9 пайыз үлүшкө ээ болгон экинчи акционер дагы эле «Верный Капитал» компаниялар тобу.
