Кыргызстандын тышкы иштер министри Жээнбек Кулубаев белгилүү австриялык дипломат, Кыргыз-Австрия достук коомунун жетекчиси, Австриянын Европа саясаты жана коопсуздук саясаты институтунун кеңешинин мүчөсү Мартин Сайдикти кабыл алды. Бул тууралуу аталган мекемеден кабарлашты.
Маалыматка ылайык, тараптардын жолугушуусу 25-мартта өттү. Анын жүрүшүндө министр Кулубаев өткөн жылы Кыргызстан менен Австриянын ортосунда дипломатиялык мамилелердин түзүлгөндүгүнүн 30 жылдыгы болгондугун белгилеп, М. Сайдиктин эки тараптуу кызматташтыкты өнүктүрүүгө кошкон салымы үчүн ыраазычылык билдирди.
Ошондой эле Кыргызстан менен Австриянын ортосундагы эки тараптуу кызматташтыкты, анын ичинде бийик жана жогорку деңгээлдеги өз ара сапарларды уюштуруу аркылуу мындан ары да чыңдоонун жана кеңейтүүнүн маанилүүлүгү белгиленди.
Өз кезегинде Мартин Сайдик Жээнбек Кулубаевге Австриянын Европа саясаты жана коопсуздук саясаты институтунун ишмердүүлүгү тууралуу маалымат берди.
Тараптар ошондой эле эл аралык жана регионалдык күн тартибинин актуалдуу маселелери боюнча пикир алмашты
Президент Садыр Жапаров 9-январда, Түркия Республикасынын тышкы иштер министри Хакан Фиданды кабыл алды. Жолугушуунун жүрүшүндө …
Президент Садыр Жапаров Бириккен Араб Эмираттарынын (БАЭ) энергетика жана инфраструктура министри Сухейль Аль-Мазруини кабыл алды. …
Президент Садыр Жапаров бүгүн, 12-ноябрда, Түрк мамлекеттер уюмунун (ТМУ) башкы катчысы Кубанычбек Өмүралиевди кабыл алды. …
