Бүгүн, 1-сентябрда саат 10:00дө Жогорку Кеңештин VI чакырылышынын кезектеги сессиясынын расмий ачылышы өтөт. Бул тууралуу ЖКнын расмий сайтында жазылган.
Маалыматка ылайык, Конституциясынын 77-беренесине жана Жогорку Кеңешинин Регламентинин 34-беренесине ылайык, парламенттин сессиялары сентябрдын биринчи жумушчу күнүнөн башталат жана кийинки жылдын июнунун акыркы жумушчу күнүнө чейин уланат.
Белгилей кетсек, Жогорку Кеңешке депутаттарды шайлоо ушул жылдын 4-октябрына белгиленген. Ал эми азыркы чакырылыштын айрым депутаттары да шайлоого аттанганын билдиришкен.