Үстүбүздөгү жылдын январь-июнь айларында Кыргызстанга туристтик максатта Өзбекстандын 1,5 миллион жараны келди. Бул маалыматты Өзбекстан Республикасынын Улуттук статистика комитети берди.
Жалпысынан өлкөдөн туристтик максатта 3,5 миллион өзбекстандык чыгып кеткен (бул 2024-жылдын январь-июнь айларына салыштырмалуу 29,7% көп). Негизги багыт Кыргызстан болду.
Ошондой эле өзбекстандыктар Казакстанга — 664,6 миң адам жана Тажикстанга — 641,6 миң адам көп барышкан. Ал эми үстүбүздөгү жылдын алгачкы алты айында Россияга туристтик максатта 230,4 миң Өзбекстандын жараны барган.