Кыргызстандын авиациясы үчүн жаңы кадам: заманбап учактарды сатып алуу боюнча келишимге кол коюлду. Бул тууралуу «Кыргызстан аэропорттору» ААК Башкармалыгынын төрагасы Манасбек Самидинов кабарлады.
Россия-Кыргыз өнүктүрүү фонду, Евразия өнүктүрүү банкы, «Элдик Банк» ААК жана «Кыргызстан аэропорттору» ААК ортосунда кызматташуу боюнча келишимге кол коюлду.
Документ тараптардын Airbus A320/A321 же Boeing 737NG тибиндеги заманбап эки жүргүнчүлөр учагын алуу боюнча долбоорду биргелешип ишке ашыруу ниетин бекемдейт. Бул кадам улуттук авиациянын өнүгүшүнө жана учуу географиясынын кеңейишине чоң түрткү болот, деп айтылат маалыматта.
«Биз бул долбоорду ишке ашыруу менен авиакаттамдардын сапатын жаңы деңгээлге көтөрүп, биздин жарандар үчүн учуулардын ыңгайлуулугун жана жеткиликтүүлүгүн жогорулатат деп ишенебиз. Бул Кыргызстандын транспорттук инфраструктурасын чыңдоого маанилүү салым болуп саналат», — дейт Самидинов.
Келишимге ылайык, тараптар долбоорду тыкыр талдап чыгып, финансылык моделди иштеп чыгышат жана зарыл болгон инвестицияларды биргелешип кызматташтыкка тартышат. Долбоорду жүзөгө ашыруу 2025-жылдын сентябрына пландаштырылган.
Бул документке кол коюу — авиация жаатын өнүктүрүүгө жана Кыргызстандын транспорттук жеткиликтүүлүгүн жакшыртууга багытталган натыйжалуу эл аралык жана жергиликтүү кызматташтыктын дагы бир мисалы.
Бүгүн, 2024-жылдын 15-ноябрында Жалал-Абад облусунун Базар-Коргон районунун Ооган-Талаа айылында жергиликтүү тургундарга медициналык жардамдын жеткиликтүүлүгүн жана …
Чыгарылган датасынан тартып 25 жылдан ашкан аба кемелерин Кыргыз Республикасынын жарандык аба кемелеринин мамлекеттик реестрине …
