Өзбекстанда жарандардын негизги укуктары одоно бузулган көрүнүштөр уланууда. Бул тууралуу АКШнын Мамлекеттик департаменти жарыялаган адам укуктарынын 2021-жылдагы абалы тууралуу жылдык баяндамасында айтылат.
Документтин авторлору 2021-жылы октябрда өткөн президенттик шайлоодо шайлоочуларга альтернативдүү талапкерлерди тандоо мүмкүнчүлүгү берилбегенин белгилешкен.
«Президент Мирзиёев добуштардын 80,2 пайызы менен кайра шайланды. Шайлоочуларда саясий альтернативаны тандоо мүмкүнчүлүгү болгон жок. Анткени чыныгы оппозициянын талапкерлери шайлоого катыштырылган эмес»,- деп жазылган баяндамада.
Европадагы коопсуздук жана кызматташтык уюмунун (ЕККУ) маалыматына ылайык, Өзбекстанда шайлоо тынч өткөн, «бирок мыйзам бузуулар катталып, добуш берүү жана добуштарды саноо эрежелери сакталбаган учурлар болгон».
Мамдепартаменттин баяндамасында 2021-жылы Өзбекстандагы мамлекеттик чиновниктер адамдын фундаменталдык укуктарын бузган учурлар катталып, бирок алардын көбү жазаланбаганы белгиленген. Мындан тышкары Өзбекстандын түрмөлөрүндө жана тергөө абактарында абал оор бойдон калып жатканы жазылган.
«Түрмөлөр менен тергөө абактарындагы адамдардын саны нормадан 40% көп. Ал жайларда санитардык эрежелер сакталбай, тамак-аш жетишпейт. Камактагыларга карата күч колдонгон учурлар да катталууда. Абак жайларында адамдарды медициналык жактан тейлөө да өтө начар уюштурулган», — деп жазылган баяндамада.
Документтин «Саясий туткундар» бөлүгүндө камактагы блогер Отабек Сатори жөнүндө баяндалган. Telegram’дагы жана YouTube’дагы «Халк Фикри» (Эл пикири) видеоблогу аркылуу бийликти сындаган билдирүүлөрү менен белгилүү блогер былтыр 10-майда 6,5 жылга эркинен ажыратылган. Ал «Опузалап акча талап кылуу» жана «Жалаа жабуу» беренелери боюнча күнөөлүү деп табылган.
Буга чейин бир катар эл аралык уюмдар өзбек өкмөтүн Отабек Сатторини эркиндикке чыгарууга чакырышкан. Укук коргоочулардын пикиринде, блогер коррупцияга каршы күрөшүнүн айынан жасалма кылмыш ишинин негизинде кармалган.
16-апрелде Термез шаардык акимчилигинин алдындагы оюн-зоок паркында чынжыр үзүлүп кетип, төрт адам, анын ичинде эки …
15-апрелде «Өзбекстан аба жолдору» авиакомпаниясы Жакынкы Чыгыштагы кырдаалга байланыштуу Ташкент-Тель-Авив-Ташкент багыты боюнча каттамдарды токтотту. Компаниянын …
Кыргызстандык суучул Денис Петрашов АКШда өткөн турнирде алтын медаль жеңди. Кыргызстандын суу спортунун түрлөрү боюнча …
Өзбекстандын Ички иштер министрлиги (ИИМ) үй камагына алынган же эркиндиги чектелген адамдарга аралыктан көзөмөл кылуунун …
Өзбекстандын Гүлистан шаардык соту балдарын батирге алмаштырууга аракет кылган аял менен эркектин ишин карады. Бул …
2024-жылдын 19-мартында Кыргыз Республикасынын АКШдагы жана Канададагы элчиси Б.Аманбаев америкалык «Space X» компаниясынын глобалдык лицензиялоо …
