Өзгөчө кырдаалдар министрлиги Сейсмология институтуна шилтеме берип 6-майда саат 14:08де Тажикстандын аймагында очогунда күчү 5 магнитудасына жеткен жер титирөө болгонун билдирди.
Жердин силкинүүсү Ош облусунун Алай районунун Бор-Дөбө айылында 4, Кара-Киндик, Нура айылдарында 3,5 баллга чейин сезилген.
Ушул тапта жеринде жабыркагандар жана кыйроолор боюнча тактоо иштери жүргүзүлүүдө.