Улуттук курама команданын оюнчусу Алимардон Шүкүров Кыргызстан-Катар беттешинде киргизген голун атасына арнады.
Кечээ, 25-мартта Кыргызстандын футбол боюнча улуттук курама командасы Дүйнө чемпионатынын тандап алуу оюндарынын 3-айлампасынын алкагында Катардын курамасы менен беттешип, 3:1 эсебинде уткан.
Беттеш Бишкектеги Дөлөн Өмүрзаков атындагы борбордук стадиондо өттү. Оюндун 1-бөлүгүнүн аягында Валерий Кичин алгачкы голду киргизсе, 2-таймдын башында Катардын оюнчусу эсепти теңеди. Андан кийинки голдорду Александр Мишенко (82) менен Алимардон Шүкүров (90+3) киргизишкен.