Нарын облусунун Ат-Башы районунда индустриалдык-соода-логистикалык комплексинин курулушуна каршы жергиликтүү тургундар митингге чыгышты. Бул тууралуу «Фейсбук» колдонуучу Алия Калыбекова видео жарыялады.
Маалыматка ылайык, тынчтык акциясына 100дөн ашык адам катышып, аталган борбордун Ат-Башыга кереги жок экенинин билдиришкен.
Эске салсак, 2019-жылдын этегинде өкмөт башчы Мухаммедкалый Абылгазиев Ат-Башы районуна барып индустриялык-соода-логистикалык борбордун пайдубалына капсула салып келген.Борбор Ат-Башы районунан 40 чакырым, Нарын облусунан 85 чакырым алыстыктагы аймакка курулганы жатат. 2017-жылы ал жерди трансформация кылуу боюнча өкмөттүн токтому чыккан. «Ат-Башы кыргыз-кытай эркин соода аймагы» компаниясына жер 49 жылга ижарага берилген.