Кыргызстандык балбан Акжол Махмудов Монголиядагы грек-рим күрөшү боюнча Азия чемпионатында алтын медаль утту. Бул тууралуу Бириккен күрөш дүйнөсүнүн сайтында маалымдалат.
Финалда кыргызстандык балбан казакстандык Максат Ережепов менен күч сынашып, 3:1 эсебинде Акжол Махмудов Азиянын чемпиону болду.
Белгилей кетсек, буга чейин Тынар Шаршенбеков алтын медаль багындырган. Азия чемпионаты 19-24-апрелде Улан-Батор шаарында өтүүдө.