Азия өнүктүрүү банкы жакынкы үч жыл ичинде Кыргызстандын экономикасын колдоого жыл сайын 150–200 миллион доллар бөлүүнү пландап жатат. Бул тууралуу бүгүн «Азия өнүгүүсүнө сереп» аттуу баяндама боюнча өткөн пресс-брифингде АӨБдүн Кыргыз Республикасындагы туруктуу өкүлчүлүгүнүн директору Чжэн Ву билдирди.
Анын айтымында, АӨБдүн портфели 1,1 миллиард долларды түзөт.
«Ошол эле учурда колдоонун акыркы суммасы жеке сектордун катышуусуна жараша болот, биз аны активдүү түрдө тартууга аракет кылып жатабыз. Биз суверендүү каржылоону колдонуу көрсөткүчүн кеңейтүүнү жана анын суверендүү эмес бөлүгүн көбөйтүүнү каалайбыз», — деп белгиледи Чжэн Ву.
