• Шаршемби 21 Чын куран 2021

Башкы прокуратура: “Ош” аэропортун оңдоп-түзөөдө 3,4 млн сом кымырылган

2 апреля 2021 в 17:27 Бишкек Govori.TV

“Ош” эл аралык аэропортун реконструкциялоо учурунда бир катар мыйзам бузуулар аныкталды. Бул тууралуу Башкы прокуратурадан билдиришти.

Маалыматка ылайык, аталган аэропортто 2019-2020-жылдары оңдоп-түзөө иштери жүргүзүлгөн.

Бул факты Кылмыштардын жана жоруктардын бирдиктүү реестрине, 320-берене “кызмат абалынан кыянаттык менен пайдалануу” жана 233-беренеси “коммерциялык же башка уюмда ыйгарым укуктарын кыянаттык менен пайдалануу” менен каттоого алынып, УКМКга өткөрүлдү.

“Текшерүү учурунда курулуш материалдарынын жана жасалган иштердин баасы 3 миллион 400 миң сомго жогору көрсөтүлгөнү белгилүү болгон. Ошондой эле перрондун айрым жерлериндеги асфальт сапатсыз төшөлгөнү аныкталган”,-деп айтылат маалыматта.

Количество просмотров: 141