Жалал-Абад облусунун Базар-Коргон районунда орнотулган балатыны белгисиз жарандар өрттөп кетишти.
Маалыматка караганда, 31-декабрь күнү таңкы саат 05:00 чамасында өрт чыккан. Балатыдан алыс эмес жерде желим бөтөлкөдө бензин да табылган.
Базар-Коргон райондук Өзгөчө кырдаалдар бөлүмүнө таңкы 05:40 чамасында борбордук аянттагы балаты күйүп жатканы тууралуу маалымат келип түшкөн.
Өрт өчүрүүчүлөр балатынын күн батыш тарабындагы бөлүгүн өчүрүп жетишкен.