Жогорку Кеңештин депутаты Дастан Бекешев Кыргызстан мүчө болгон Жамааттык коопсуздук келишими уюмунун бейпилдик күчтөрүн Казакстанга киргизүү туура эмес деп эсептейт. Ал бул тууралуу Фейсбуктагы баракчасына жазды.
«2020-жылы июнда Убактылуу өкмөт ЖККУга аскерлерин Кыргызстанга киргизүү боюнча кайрылган. Анда Орусия жана Казакстан эстүүлүк менен баш тартып, алардын чечими туура болгонун тарых көргөздү. Эми Казакстан өзү ЖККУга тартип келтирип берүү үчүн кайрылып жатат. Бул ички көйгөйүн өз алдынча чече албаган бийликтин алсыздыгын көргөзүп жатат. Биздин өлкөгө бул чуунун кереги жок деп ойлойм».
Бекешев ЖККУ тышкы кол салуудан же өлкө ичиндеги террордук чабуулдардан коргоо үчүн түзүлгөн уюм экенин белгилеп, мыйзам боюнча бийликке каршы адамдын баарын террорист деп санап койсо болорун жазган.
Жогорку Кеңеш чукул жыйынга чогулуп Казакстандагы соңку кырдаалга байланыштуу бул өлкөгө Жамааттык коопсуздук келишими уюмунун (ЖККУ) аскерлерин жөнөтүү маселеси караганы жатат. Кыргызстандын интернет айдыңында Казакстанга кыргыз аскерлерин жөнөтүүгө каршы болгондор арбын экени байкалууда.
Казакстандын президенти Касым-Жомарт Токаев Коопсуздук кеңешинин жыйынын өткөрүп, өлкөдө тартипти камсыз кылуу үчүн Жамааттык коопсуздук келишими уюмунан жардам сураган. Ал өлкөдө болуп жаткан окуяларды «сырткы агрессия» деп атап, аларды «чет жакта олуттуу даярдыктан өткөн топтор» уюштуруп жатканын билдирген.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Армения Жамааттык коопсуздук келишим уюмуна мүчө болууну убактылуу токтотту. Бул тууралуу өлкөнүн өкмөт башчысы Никол …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргыз Республикасынын Президенти Садыр Жапаров кол койгон Жарлыкка ылайык, Масадыков Таалатбек Шамудинович 2024-жылдын 1-январынан тартып …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
