Ош-Ноокат унаа жолунда күйүүчү май ташыган унаа күйүп кетти. Бул тууралуу Өзгөчө кырдаалдар минстрлигинин басма сөз кызматы билдирди.
Маалыматка ылайык, 2-сентябрда саат 22:10до ДАФ үлгүсүндөгү күйүүчү май ташыган унаадан өрт чыккан. Кырсык Ош-Ноокат автожолунун 19-чакырымындагы Алмалык айылында болгон. Өрттүн кесепетинен бензовоз жакын жайгашкан үйдүн чатыры күйгөн. Айдоочу өзү жеңил жаракат алган. Өрт 23:30да толук өчүрүлүп, айдоочу Ноокат райондук ооруканасына жеткирилген.