2016-жылдан бери «Оператор РОП» компаниясына утилизациялык алымдар катары жалпысынан 691,9 миллиард теңге (азыркы курс боюнча дээрлик 1,6 миллиард доллар) түшкөн. Бул тууралуу 12-январда Казакстандын экология, геология жана жаратылыш ресурстары министри Сериккали Брекешев билдирди.
Ал бүгүнкү күндө алынган каражат мыйзамга ылайык сарпталып жатканын белгиледи.
«Алсак, ата мекендик өндүрүшчүлөргө буга чейин утилизациялык алымдар катары төлөнгөн 338,9 миллиард теңге кайтарылып берилди. Экологиялык маселелерди чечүүгө 102 миллиард теңге багытталса, салыктарга 49,1 миллиард теңге бөлүндү. Бүгүнкү күндө калган каражат экинчи деңгээлдеги банктарда сакталууда. Алар 220,6 миллиард теңгени түзөт», — деди министр.
Күн мурун Казакстандын президенти Касым-Жомарт Токаев утилизациялык алымдарды жыйнаган «Оператор РОП» компаниясын сынга алып, аны жабууну талап кылган. Бул ишкананы өлкөнүн туңгуч президенти Нурсултан Назарбаевдин кенже кызы Алия Назарбаева менен байланыштырып келишет.
Брекешев бүгүнкү күндө министрлик өзүнчө мамлекеттик оператор түзүүнү, утилизациялык алымдардын тарифин кайрадан карап чыгууну, ошондой эле утилизациялык алымдардын эсебинен сатып алуучуларга ата мекендик транспорт каражаттары менен айыл чарба техникаларын берүүнү караштырып жатканын билдирди.
Бир канча жылдан бери утилизациялык алымга каршылык билдирип келген казакстандык автоунаа ээлери 2021-жылы #НетУтильсбору аттуу өнөктүк башташкан. Алардын айтымында, бул алымдардын жогору болгондугунан улам өлкөдө автоунаалардын баасы кыйла жогорулап, автопарктын көпчүлүгүн эски машинелер түзүп калган.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
Каттоодон өтпөгөн “Алга, Казакстан!” оппозициялык партиясы “Талибан” кыймылы көзөмөлдөгөн ооган өкмөтү менен соода-сатыкты кеңейтүү жөнүндө …
