Бир сааттын ичинде Бишкек менен Чүйдө катуу шамал болот 

Жакынкы бир саат аралыгында Бишкек шаарында жана Чүй өрөөнүндө катуу шамал болушу күтүлөт. Бул тууралуу Өзгөчө кырдаалдар министрлиги кабарлады.

Билдирмеге караганда, шамалдын ылдамдыгы секундасына 15-20 метрге жетиши күтүлүүдө.

ӨКМ элди сак болууга чакырып, кырсык катталган учурда 112 бирдиктүү номерине чалууну өтүндү. Чалуу акысыз жана күнү-түнү иштейт.

Катуу шамал учурунда:

— Унаанызды имарат жана бак-дарактын түбүнө токтотпоңуз;

— Электр чубалгылары турган жерге барбаңыз;

— Көз айнек кийиниз.