Бишкек шаарынан Сауд Арабиянын Жидда шаарына туруктуу аба каттамы ачылат. Бул тууралуу «Манас» эл аралык аэропорту кабарлады.
Маалыматка караганда, үстүбүздөгү жылдын 1-сентябрында Сауд Арабиянын Flynas авиакомпаниясы Жидда-Бишкек-Жидда багыты боюнча үзгүлтүксүз жүргүнчү каттамдарын ачат.
Жаңы багыт боюнча каттамдар жумасына үч жолу – шейшемби, бейшемби жана ишемби күндөрү аткарылат.
Ушул эле Flynas авиакомпаниясы 21-августтан тарта Жидда-Ош багыты боюнча үзгүлтүксүз каттамдарды ачат.