Бишкекте жол оңдоого тоскоол болгон үй бузулду

Арча-Бешик конушундагы Жайыл Баатыр көчөсүндөгү №35-282 жер тилкесинде жолду реконструкциялоо иштери жүрүп жаткан туурасы 8,5 метр, узундугу 12 метр болгон турак-жай бузулду. Бул туурасында Мэриянын басма-сөз кызматынан кабарлашты.

«Буга чейин инспекторлор аталган турак жайдын ээсине турак жайды өз ыктыяры менен демонтаждоо боюнча түшүндүрүү иштерин жүргүзүшкөн»,-деп айтылат маалыматта.

Мындан сырткары борбордун мэриясы шаардыктарга кайрылуу жасады:

Урматтуу шаардыктар! Инспекциянын ишине байланышкан кайрылууларды төмөнкү телефондорго калтырсаңыздар болот:

• Свердлов району боюнча: 0705003137;
• Октябрь району боюнча: 0551551745;
• Биринчи май району: 0555404818;
• Ленин району боюнча: 0550070505.