Бишкек шаарындагы Жибек-Жолу жана Кулиев көчөлөрүнүн кесилишинде жайгашкан “Ала-Арча” көрүстөнүндө өрт чыкты. Бул тууралуу Өзгөчө кырдаалдар министрлигинен билдиришти.
Маалыматка ылайык, мүрзөдө өрттү өчүрүүгө саат 12:35те бир бөлүм тартылган. Учурда өрттү толук өчүрүү иш-аракеттери көрүлүүдө.
«Мүрзөдөгү ачык аянтта куураган чөптөн чыккан өрттү кол менен өчүрүүгө туура келди. Тилсиз жоонун жайылып кетүүсүнө жол берилген жок», — деп айтылат маалыматта.